Til Hoven kjem du deg heile året, og på vinterstid kan du ake i Norges lengste akebakke, rusle avgarde på truger eller oppleve igloane. Toppturentusiastane sparar 1000 høgdemeter og kan starte på høgfjellet med friske bein. Gå på tur i preparerte vandreløyper, og utpå vinteren lagar vi langrennspor om forholda ligg til rette. Etter turen fristar spektakulære Hoven Restaurant med høgfjellsmat og drikke. 

Opplev Norges lengste akebakke, 8 km frå toppen av Hoven, med fantastisk utsikt mot fjord og fjell. Oppe på Hoven finn du også ein brei preparert akebakke. Leig kjelke, akematte eller rumpeakebrett i fjellstasjonen, eller ta med eige akebrett/kjelke. Merk at tilbodet er vêravhengig.

Status pr 13. april: Fine akebakkar på toppen. Snøen har minka i akebakken til Oppheim, så akebakken ned der er stengt.

Norges lengste akebakke

«Norges lengste akebakke» er ein preparert veg ned frå Hoven til Oppheim. Her akar du med fantastisk fjordutsikt i heile 8 kilometer, fordelt på ca 700 høgdemeter. Turen ned lokkar fram breie smil blant både små og store.

Merk at vegen endar på Holme/Oppheim, 8 km frå fjordstasjonen til Loen Skylift. Det er parkeringsplass ved Holme (mot avgift). Dei fleste vel å parkere ein bil på Holme, avtale «shuttling» med vener/familie eller bestille taxi (Stryn Taxi +47 57 87 23 50, Olden Taxi +47 950 86 146). Dei som leiger kjelke leverer inn kjelken på henvist plass der akebakken endar.

NB: All ferdsel i den preparerte vegen til Oppheim skjer på eige ansvar. Følg med på skredvarselet, vis hensyn og tilpass farten. Du kan møte skiløparar, vandrande, akande og maskiner langs vegen. Hjelm skal brukast under aking (inkludert i leige av kjelke). Barn må alltid vere i følge med vaksne.

Status på preparering finn du på denne sida.

Leige kjelke, akematte eller rumpeakebrett

Kjelkar, akematter og rumpeakebrett kan leigast i Fjellbutikken av Loen Active eller bestillast på nett. Om fjellbutikken er stengt kan du ta kontakt med baneførar, så hjelper han/ho deg (betaling med Vipps). Hjelm skal brukast under aking med kjelke, og er alltid inkludert i leiga. For aking til Oppheim er det kun kjelke og snowracer som er anbefalt. Leigd kjelke og hjelm kan leverast inn igjen på henvist plass der akebakken endar. I fjellbutikken kan du også leige vinterbekledning.

Pre- eller After-aking i restauranten

Nyt utsikta frå Hoven Restaurant med noko å drikke eller å bite i mellom ake-øktene. Her finn du menyen samt link til bordbestilling.

Kva billett bør eg kjøpe?

Loen Skylift har fleire billettalternativ, men om du vil ake ned igjen kan du kjøpe einvegsbillett eller dagspass. Med dagspass kan du ta så mange turar du vil i løpet av ein dag (innanfor opningstidene). Familiebillett ein veg er også eit alternativ, familiebillett gjeld to vaksne og to barn (6-15 år), fleire barn kan leggast til i familiebilletten. Merk at familiebillett kun er tilgjengeleg i billettluka, Fjordshop.

Sesong

Sesongen varer vanlegvis frå desember til april. På skisporet.no finn du oppdatert status for trakking av løypene.

UTSTYR VED AKING
- Hjelm
- Snøbriller (goggles) er anbefalt ved aking
- Slalåmstøvlar er forbode ved aking
- Vinterbekledning og sko kan leigast i Fjellbutikken
 

FORHOLDSREGLAR VED AKING
- Aking inneber ei viss fare
- Den som kjem bakfrå har vikeplikt
- Følg skilting, merking og anvisningar
- Sørg for kontroll over kjelken til ei kvar tid
- Finn ut korleis ein bremser og styrer
- Risiko for skade aukar med farten
- Kappkøyring aukar risikoen for skade
- Stopp aldri opp i nedfarten
- Ved velt, gå raskt ut til sida
- Det er totalforbod mot alkohol i akebakken

Gjølrunden

Ein fin rundtur rett nord for Loen Skylift, til varden og utsiktspunktet på Rognehaugen. Du kan fortsetje turen lenger mot Skredfjellet om du ynskjer det. Forholda er veravhengig, så ta kontakt med dei tilsette for å sjekke om løypa er open.

Inne i eit berg av snø finn du ein smal gang, og der opnar det seg ein kvit kuppel over deg. Ei stor snøhole med lys og skinnfellar. Det er noko spesielt å sitte inne i alt det store kvite, i ly for vêr og vind.

Denne vinteren har ei stor snøhole dukka opp på fjellet. Denne finn du i akeområdet oppe på fjellet, ca 300 meter frå fjellstasjonen. Her er alle velkomne inn.

Snøhola vil stå så lenge vêrforholda ligg til rette for det.

Med Loen Skylift kjem du 1011 høgdemeter opp, og kan då starte skituren med friske og opplagde bein. Eit fantastisk fjellandskap opnar seg opp frå Hoven, og du har mange moglege toppar å velge i, og enda fleire nedkøyringar. Vi anbefaler guide på turen. Breogfjell har internasjonalt sertifiserte tindevegledarar og tilbyr guida turar frå Loen Skylift. Dersom du planlegg tur på eiga hand er det avgjerande at du har naudsynt kompetanse for sikker ferdsel i vinterfjellet. Sjekk snøskredvarselet før du legg ut på tur, og bruk skredutstyr. Her finn du generell info om sikkerhet i norske fjell. 

Guida topptur med Breogfjell IFMGA tindevegledere

Breogfjell og andre guidefirma tilbyr guida toppturar frå Loen Skylift, og under presenterer vi alternativ av ulik vanskegrad og lengde.

Kort tur
Frå toppstasjonen går du 150 høgdemeter til Skredfjellet. Herifrå kan ein velge ulike nedkøyringar frå mellom 300 til 1000 meter avhengig av snø- og værforhold, og ferdighetsnivå. 

Medium til lang tur
Frå toppstasjonen må ein først gå 400 høgdemeter til Staurinibba. Denne toppen byr på 600 høgdemeter nedkøyring med fjordutsikt til Lohøgsætra. Frå denne stølen kan ein enten gå opp igjen til Hoven, og halde fram nedkøyringa til Loen, eller gå for ei ny bestigning av Sundshyrna, Dispahyrna eller Geitafjellshyrna. Desse toppane byr på opptil 1600 høgdemeter nedkøyring til Strynedalen (motsatt side av Loen), og på slutten av dagen vil du ha stått over 2000 meter ned på ski og kun gått opp 1400.

Meget lang tur
Hoven – Storskredfjellet traversen. Har du køyrt ned frå Strynefjellet har du garantert lagt merke til den slåande vakre fjelltoppen med den diamantforma breen som tronar over Oppstryn: Storskredfjellet (1814 m.o.h.). Breogfjell kan ta deg med på ski ned breen under fjellet. Turen byr på fleire valg. Det er også muligheter for å legge inn fleire kortare nedkøyringar og oppstigningar i fleire av dalane og rennene ein passerer på traversen mot Storskredfjellet. 

Prisar på førespurnad. Kontakt Breogfjell for tilbod.

Kart over området kan kjøpast her.

Bli med då FriFlyt sin Skipatrulje besøkte Loen Skylift saman med Tiril Sjåstad Christiansen og Karsten Gefle.

Opne kartet i Norgeskart eller i Google Earth

Frå toppen av Loen Skylift vil det vere preparerte turløyper om verforholda tilseier dette. Utsikta er i verdsklasse, med fjord, fjell og bre i skjønn forening. 

NB! Forhold og lengde på løyper vil variere etter snømengde og vêr. Oftast er løypene for turløyper å rekne, men vi køyrer skispor dersom forholda ligg til rette for dette.

Etter turen er du velkomen til Hoven Restaurant for mat og forfriskningar, før retur til låglandet med Loen Skylift. Hugs eige langrennsutstyr, varme og vind/vanntette klede, lue og hanskar. Kurs/instruktør kan skaffast på førespurnad. 

Sjå siste status her.

Puddersurfing, også kjent som “powsurfing” er å surfe på snø utan nokon form for bindingar og utan hjelp av tau eller krokar. Puddersurfing vert gjort på ei “snøfjøl", som er eit spesialdesigna brett konstruert for å bli kontrollert kun med føter og balanse. Denne køyrestilen vart inspirert av snowboarding i pudder, surfing og skating. At brettet er utan bindingar samt utforminga av bretta gjer at køyraren kan overføre bevegelsar og triks frå surfing og skateboard til snø. I likhet med surfing er den einaste forbindelsen mellom brettet og køyraren eit band for å forhindre at brettet siglar avgarde dersom køyraren dett av.

Snøfjøler kan leigast i Fjellbutikken i 2. etasje toppstasjon Loen Skylift. Utanom opningstider i butikken kan du kontakte tilsette i Loen Skylift.

PRIS PÅ LEIGE AV SNØFJØL
To timar NOK 100 / Heil dag NOK 200

Hotel Alexandra ligg rett under fjellet Hoven, kun 500 meter frå fjordstasjonen. Her finn du Alexandra Bad & Spa, med ei stor bade- og velværeavdeling, og erfarne terapeutar som tilbyr ein stor spa-meny. Merk at Alexandra Bad & Spa kun er for buande gjestar. Finn ut meir om Hotel Alexandra her.