Onsdag 16. mars var det generalforsamling i Hoven Loen AS, og over 30 nye aksjonærar har teikna seg.
Før forsamlinga hadde ein nær 50 aksjonærar, og onsdag kveld teikna over 30 seg på lista. Prosjektet er fullfinansiert, og har no ein aksjekapital på over 100 millionar kroner, og eit lånetilslag på 105 millionar. Les artikkel hos NRK Sogn og Fjordane: Over 30 nye aksjonærar på plass - opning mai 2017
Solnedgong over fjorden.
Vegen mot toppen er snart klar. Nokre har testa vegen på ski!
Fjordstasjonen sett mot Loen.
Arbeidet med Hoven Loen går raskt framover. Her er ferske statusbilete frå 7. mars.
Alt er klargjort til støyping på fjordstasjonen 10. februar 2016.
I sommar starta stibygginga for fullt på Hoven. Første fase er frå Oppheimssætra til Nøkketjønn. I prosjektet med å realisere Hoven Loen vil det bli utvikla eit vandrerutenettverk av høg kvalitet, etter nasjonal/internasjonal standard. Fjellheimen mellom Loen og Stryn er eit fantastisk turområde, og vandring er ei av dei viktigaste satsingane i Hoven Loen prosjektet.
Det er Naturservice DA, Utmarksressurs AS, Drageset Mskin og Fjord Helikopter som utfører arbeidet. Alt skjer i samarbeid med grunneigarane.
Totalt 70 km med potensielle ruter er kartlagt til og rundt Hoven. Rutene knyter Stryn sentrum og Strynedalen til vandrenettverket.
